Monday, April 17, 2006

તિજોરીની તું પટલાણી

સોની નોટ ,,,

મૃત્‍યુ લોકની મોંઘી લ્હાણી
કવિજનોની અમૃતવાણી
તિજોરીની તું પટલાણી
બેંક રાજ્યની તુ છો રાણી
હોય ભલે ગાંડી પણ શાણી
જોઇ તને સૌ પાણી પાણી

તારો જાદુ સૌ જન ઉપર
રાજ્ય કરે તુ તન મન ઉપર
ઘણા મરે તુજ જોબન ઉપર
ભુખ્‍યા પડે જ્યમ ભોજન ઉપર
હું વારી તુજ લોચન ઉપર
નિચ્‍છાવર તુજ જીવન ઉપર

તારાથી વ્‍યવહારો ચાલે
તારાથી વ્‍યાપારો ચાલે
તારાથી દરબારો ચાલે
તારાથી સરકારો ચાલે
તારાથી અખબારો ચાલે
તુજ માટે તલવારો ચાલે

તુજ વિણ કંઇ બેકાર ફરે છે.
તુજ વિણ કંઇ બેઝાર ફરે છે.
લાખો નિરાધાર ફરે છે.
શોધવા તુજ સહકાર ફરે છે.
તુ મળતા અવતાર ફરે છે
જીવન કેરો સાર ફરે છે.

1 comment:

  1. In the past post "Mari Pyari Soni note" I mentioned your said metters kindly see it.
    wwww.suvaas.blogspot.com

    ReplyDelete